1. You are here:
  2. Home
  3. Topics
  4. စက်မှုမှတ်ပုံတင် သက်တမ်းတိုးမြှင့်ခြင်း/ပယ်ဖျက်ခြင်း

Types: Topics
Categories: စက်မှု့
agencies: စက်မှုကြီးကြပ်ရေးနှင့်စစ်ဆေးရေးဌာန

စက်မှုမှတ်ပုံတင် သက်တမ်းတိုးမြှင့်ခြင်း/ပယ်ဖျက်ခြင်း

 


ပုဂ္ဂလိကစက်မှုလုပ်ငန်း မှတ်ပုံတင် သက်တမ်းတိုးမြှင့်ခြင်း ဆောင်ရွက်မှု လုပ်ငန်း စဉ်များမှာ အောက်ပါအတိုင်း ဖြစ်ပါသည် -

(၁) လုပ်ငန်းရှင်သည် မှတ်ပုံတင်စက်မှုလုပ်ငန်းအား သက်တမ်းတိုးမြှင့်ရန် နှစ်စဉ် မှတ်ပုံတင်သက်တမ်း မကုန်ဆုံးမီရက်ပေါင်း (၃၀) အတွင်း ကြိုတင်၍ တိုင်းဒေသကြီးဦးစီးဌာနမှူးထံ ပုံစံ (င) ဖြင့် လျှောက်ထားရပါမည်။
(၂) ဖော်ပြပါစက်မှုလုပ်ငန်းသည် သတ်မှတ်ချက်များနှင့်ညီညွတ်ပြီး သက်တမ်း တိုးမြှင့်ကြေး ပေးသွင်းပြီး ကြောင်းအထောက်အထား (ငွေသွင်းချလံ) တင်ပြလျှင် တိုင်းဒေသကြီးဦးစီးဌာနမှူးသည် မှတ်ပုံတင် သက်တမ်းတိုးမြှင့်ပေးပါသည်။
(၃) နှစ်စဉ် မှတ်ပုံတင်သက်တမ်းကုန်ဆုံးပြီးနောက် ရက်ပေါင်း (၆၀) အတွင်း သက်တမ်းတိုး လျှောက်ထားပါက သက်တမ်းတိုးကြေးအပြင် သက်တမ်းတိုးကြေး၏ (၅၀%) ကို ဒဏ်ကြေးပေးဆောင် ရပါသည်။
(၄) နှစ်စဉ် မှတ်ပုံတင်သက်တမ်းကုန်ဆုံးပြီးနောက် ရက်ပေါင်း (၆၀) ကျော်လွန် သည်အထိ သက်တမ်းတိုး လျှောက်ထားခြင်းမရှိပါက စက်မှုမှတ်ပုံတင် စာရင်းမှ ပယ်ဖျက်ပါသည်။

 

   သီးခြားကန့်သတ်လုပ်ငန်းများ သက်တမ်းတိုးမြှင့်ခြင်း

သီးခြားကန့်သတ်လုပ်ငန်းများသက်တမ်းတိုးမြှင့်ခြင်းအတွက်ပုံမှန်သက်တမ်းတိုး လုပ်ငန်းစဉ်များအပြင် အောက်ပါအထောက်အထားများ ထပ်မံလိုအပ်ပါသည် -

 

(၁) အရက်ချက်လုပ်ငန်း သက်တမ်းတိုးရန်လိုအပ်သည့် အထောက်အထား
(က) စည်ပင်လိုင်စင်/ငွေသွင်းချလံ
(ခ) ယစ်မျိုးလိုင်စင် (D1)
(ဂ) ဓာတုဗေဒဝန်ရုံး၏ စစ်ဆေးချက်
(ဃ) ဓာတ်ပုံမှတ်တမ်းများ
(င) ပတ်ဝန်းကျင်ထိခိုက်ညစ်ညမ်းမှုမရှိစေရေး စီမံဆောင်ရွက်ချက်
(စ) အခွန်ကြွေးကျန်မရှိကြောင်း အခွန်ဦးစီးဌာန၏ ထောက်ခံချက်
(၂) ဝိုင်လုပ်ငန်း
(က) စည်ပင်လိုင်စင်/ငွေသွင်းချလံ
(ခ) ယစ်မျိုးပုံစံ (W-1)/ယစ်မျိုးခွန်ပေးသွင်းချလံ
(ဂ) မြို့နယ်ကျန်းမာရေး ထောက်ခံချက်
(ဃ) ကုန်အမှတ်တံဆိပ်စာချုပ်စာတမ်း
(င) ပတ်ဝန်းကျင်ထိခိုက်မှု မရှိစေရေး ဆောင်ရွက်မည့် လုပ်ငန်းရှင်၏ ဝန်ခံကတိ
(စ) ဓာတ်ပုံမှတ်တမ်း
(ဆ) အခွန်ကြွေးကျန်မရှိကြောင်း အခွန်ဦးစီးဌာန၏ ထောက်ခံချက်
(၃) စီးကရက်လုပ်ငန်း
(က) စည်ပင်လိုင်စင်/ငွေသွင်းချလံ
(ခ) ကုန်အမှတ်တံဆိပ် စာချုပ်စာတမ်း
(ဂ) ပတ်ဝန်းကျင်ထိခိုက်မှုမရှိစေရေး ဆောင်ရွက်မည့် လုပ်ငန်းရှင်၏ ဝန်ခံ ကတိ
(ဃ) ဓာတ်ပုံမှတ်တမ်း
(င) အခွန်ကြွေးကျန်မရှိကြောင်း အခွန်ဦးစီးဌာန၏ ထောက်ခံချက်
(၄) တိုင်းရင်းဆေးဝါးထုတ်လုပ်ငန်း
(က) စည်ပင်လိုင်စင်/ငွေသွင်းချလံ
(ခ) တိုင်းရင်းဆေးဝါး ထုတ်လုပ်ခွင့်လိုင်စင်/ မှတ်ပုံတင်လက်မှတ် (သက်တမ်းကုန်ပါက သက်တမ်းတိုး လျှောက်ထားကြောင်းတင်ပြစာ)
(ဂ) ကုန်အမှတ်တံဆိပ် စာချုပ်စာတမ်း
(ဃ) အခွန်ကြွေးကျန်မရှိကြောင်း ဦးစီးဌာန၏ ထောက်ခံချက်
(င) ဓာတ်ပုံမှတ်တမ်း

 

 

Form Download:

စက်မှုမှတ်ပုံတင် သက်တမ်းတိုးမြှင့်ခြင်း/ပယ်ဖျက်ခြင်း

 ဦးစီးဌာန: စက်မှုကြီးကြပ်ရေးနှင့် စစ်ဆေးရေးဉီးစီးဌာန  

 

စက်မှုကြီးကြပ်ရေးနှင့် စစ်ဆေးရေးဌာနရှိ အခြားသော Topics များ